Disa muaj pasi e lejoi, Bermuda po ndalon martesën e çifteve të të njëjtës gjini

Vetëm gjashtë muaj pas vendimit për të lejuar martesën e të të njëjtës gjini, Bermuda ka anuluar atë.

Zyrtarët në territorin britanik, jasht vendit,  votuan të mërkurën për të përmbysur këtë ligj, njofton Klan Kosova.

Vendimi i tyre ka pasur një reagim të përzier në ishull, me një ministër hije që e quan atë "të turpshëm".

Çiftet e gjinisë së njëjtë ende do të kenë të drejtën ligjore për partneritet dhe ata që janë martuar tashmë do të mbajnë statusin e tyre.

Megjithatë Senati miratoi Aktin e Partneritetit të Brendshëm, i cili zëvendëson të drejtën e martesës me aftësinë për të formuar partneritete të gjinisë së njëjtë, me një votim prej tetë deri tre.

Për t'u bërë ligj ende duhet të nënshkruhet nga guvernatori, por shumica e njerëzve e shohin atë si thjesht formalitet.

Udhëheqësi i Senatit të Qeverisë Kathy Simmons tha se projektligji pasqyroi "ndjenjën e shumicës", sipas gazetës lokale The Royal Gazette.

"Ne kemi një projekt-ligj që i jep të drejtat minoritetit dhe mbron interesat e shumicës," citon ajo të ketë thënë, njofton Klan Kosova.