Diplomatët perëndimorë do të diskutojnë të enjten për krizën në Lindjen e Mesme

Diplomatët e lartë nga Shtetet e Bashkuara të Amerikës, Britania, Gjermania, Franca dhe Italia do të takohen të enjten në Francë për të diskutuar tensionet në rritje në Lindjen e Mesme pas sulmeve masive në Liban.

Agjencia e lajmeve AFP, duke cituar burime të paidentifikuara, raportoi se takimi do të zhvillohet teksa  frika rritet për një luftë gjithëpërfshirëse që ka përfshirë rajonin, me konfliktin e ndezur në Gaza dhe pas dy ditësh me pajisje shpërthyese në Liban – një sulm i paprecedentë që Hezbollahu e ka fajësuar Izraelin.

Sekretari amerikan i Shtetit, Antony Blinken, pritet të bashkohet në Paris pasi në Kajro diskutoi mundësinë e një armëpushimi të luftës në Gaza.