Dikush pa leje, dikush me telefon në dorë - ndëshkohen pesë shoferë në Ferizaj

Patrullat e Njësisë së Komunikacionit Rrugor në kuadër të Rajonit të Ferizajt, gjatë kontrolleve të realizuara në pika të ndryshme të rajonit, kanë identifikuar dhe ndëshkuar pesë shoferë për shkelje të rënda në komunikacion. Patrullat e Komunikacionit në Ferizaj kanë ndëshkuar pesë shoferë për shkelje të rënda në trafik. Për njërin që kishte përdorur telefonin gjatë vozitjes dënimi ishte 500 euro pasi kishte qenë kundërvajtja e tij e tretë. Me 500 euro u dënua edhe një person tjetër që u zu duke vozitur ndonëse i ishte pezulluar leja e vozitjes. Ndërkaq, tri dënimet tjera erdhën si pasojë e tejkalimit të bërë në vijë të plotë. “I.G. (33 vjeç), me veturën BMW, ngjyrë hiri, me targa vendore, është ndaluar në fshatin Davidovc - Shtime, duke përdorur telefonin gjatë ngasjes. Pas verifikimit ka rezultuar se kjo ishte kundërvajtja e tretë e tij. Për këtë i është shqiptuar gjobë prej 500 euro, 5 pikë negative dhe masa mbrojtëse prej 6 muajsh heqje e patentë shoferit”, njofton Drejtoria Rajonale e Policisë në Ferizaj. “A.I. (31 vjeç), me veturën VW Caddy, ngjyrë e bardhë, me targa vendore, është ndaluar në rrugën magjistrale Gërlicë - Ferizaj, i cili kishte ndalesë për drejtimin e automjeteve nga data 12.12.2025 deri më 11.03.2026. Për këtë i është shqiptuar gjobë prej 500 euro, 5 pikë negative dhe masa mbrojtëse edhe për 6 muaj heqje e patentë shoferit".