Lajmet e fundit
Tre vetura janë përfshirë nga zjarri në orët e para të ditës së marte në rrugën "Qerim Muriqi" në Pejë.
Nga ky rast janë shkaktuar mijëra euro dëme.
Lajmin për Klankosova.tv e ka konfirmuar zëdhënësi i policisë për rajonin e Pejës Fadil Gashi.
Gashi tha se nga zjarri janë dëmtuar gjithsejt pesë vetura.
Ai theksoi janë intervistuar pronarët e këtyre veturave derisa rasti po cilësohet si "zjarrvënie".
"Policia është informuar rreth orës 03:54 se në rrugën "Qerim Muriqi" janë djegur disa vetura. Si pasojë e zjarrit janë djegur tre vetura derisa nga zjarri janë dëmtuar gjithsejt pesë vetura. Janë intervistuar pronarët e veturave. Rasti po hetohet nga njësitet kompetente dhe po cilësohet si "zjarrvënie". Jemi në pritje të raportit të ekspertit të zjarreve, për të parë shkaktarin e rastit", tha Gashi.
