Dhëmbi 42 mijë e 800 vjeçar i ariut gjendet në Kosovë (VIDEO)

Në rajonin e Rugovës, ekzistojnë dhjetëra shpella të eksploruara e të paeksploruara. Milot Hasimja, në emisionin “Krejt Kapak”, bashkë me Fatos Katallozin, vizituan shpellën e “Gërshërëve të Zeza”, e cila sipas hulumtimeve, mund të ekzistojë që para 1 milion vjetëve, transmeton Klankosova.tv. Hasimja, bazuar në hulumtimet e arkeologëve, tregon se në këtë shpellë u gjetën eshtra që nuk iu përkasin njerëzve, por një kafshe që nuk ekziston më në territorin e Kosovës. Nga ana tjetër, Katallozi shpjegon se nga dhëmbi i një ariu të lashtë që u gjet në shpellën e lartpërmendur, analizat në Gjermani treguan se i përkiste kafshës së para 42 mijë e 800 vjetëve më parë. Por për të dëgjuar më shumë rreth këtij rrëfimi ekskluziv, ndiqni videon e mëposhtme: https://www.youtube.com/watch?v=HkdP_V8X5g0