Detaje të reja nga vrasja e 20-vjeçarit në Shkodër

Një 20-vjeçar është vrarë sot me armë zjarri në fshatin Guci e Re në Shkodër Nga informacionet paraprake, mësohet se i riu jetonte i vetëm në shtëpinë e tij, raporton Abcnews.al Ndërkaq, raportohet se ka qenë xhaxhai i tij i cili pasi nuk ka mundur të kontaktojë me të, ka shkuar tek ai, ku edhe e ka gjetur pa shenja jete. Bëhet e ditur, se 20-vjeçar i vrarë është gjetur në oborrin e shtëpisë së tij. Ndërkohë, në vendngjarje kanë shkuar shërbimet e Policisë, të cilët po vijojnë punën për zbardhjen e plotë të ngjarjes.