Detaje nga vrasja e 20-vjeçarit në Shkodër, policia gjen një gëzhojë në vendngjarje

Një ngjarje e rëndë ndodhi në fshatin “Guci e Re” në Shkodër, ku një 20-vjeçar është qëlluar me armë zjarri. Ai është identifikuar si Pavlin Preka. Nuk dihet si ka ndodhur ngjarja, ndërsa viktima është gjetur i vdekur në shtëpi nga xhaxhai. 20 vjeçari është qëlluar me pistoletë në kraharor, teksa policia ka gjetur edhe një gëzhojë në vendin e ngjarjes. Ai nuk ka patur një punë fikse, por ka ndihmuar babanë e tij në Dukagjin me bagëtitë. Trupi i pajetë i tij u gjet pak metra larg derës dhe se është qëlluar gjatë natës ose në orët e para të mëngjesit. Nuk dihen ende rrethanat e ngjarjes së rëndë dhe autori ende nuk është identifikuar. “Rreth orës 14:50, në fshatin “Guci e Re”, është gjetur pa shenja jete shtetasi P. P., rreth 20 vjeç, dyshohet i vrarë me armë zjarri. Menjëherë në vendngjarje kanë shkuar shërbimet e Policisë dhe grupe të Forcës Kombëtare të Sigurisë, Njësia Shkodër. Ndërkohë është ngritur një Grup i posaçëm hetimor dhe nën drejtimin e Prokurorisë po punon intensivisht për sqarimin e rrethanave, dokumentimin ligjor, identifikimin dhe kapjen e autorit/ve”, sipas policisë.