Detaje nga shpërthimi i granatës në Lipjan

Në orët e para të shtunës ka ndodhur një shpërthim në parkingun e një diskoteke në Lipjan. Lidhur me rastin Klankosova.tv ka raportuar më herët. Dy persona kanë përfunduar në pranga, si të dyshuar për vepren "Shkaktim i rrezikut të përgjithshëm". Përpos dëmtimit të disa makinave, nuk është raportuar për ndonjë të lënduar. "Me vendim të prokurorit është kryer bastisja në shtëpinë e njërit nga të dyshuarit ku gjatë kontrollit janë gjetur dhe sekuestruar një armë gjueti me 16 fishekë si dhe një pushkë ajrore", thuhet në njoftimin e raportit policor transmeton Klankosova.tv Me vendim të prokurorit të dyshuarit janë dërguar në mbajtje. https://klankosova.tv/nje-granate-dore-dyshohet-se-eshte-hedhur-ne-parkingun-e-nje-diskoteke-ne-lipjan/