Detaje nga përleshja në Pejë ku dyshohet se i përfshirë ishte edhe Noizy

Dy persona dyshohet se janë sulmuar fizikisht nga grupi i reperit Noizy. Ngjarja ka ndodhur në një klub të natës në Pejë, në orët e para të së mërkurës. Si pasojë viktimat ishin dërguar në spitalin rajonal ku edhe kanë marrë trajtim. Lidhur me rastin detaje ka dhënë zëdhënësi i Prokurorisë Themelore të Pejës, Shkodran Nikçi. Nikçi tha në Edicionin Special në Klan Kosova se nga hetimet preliminare të policisë dyshohet se edhe këngëtari ka qenë i përfshirë në këtë incident. "Prokurori i Shtetit bashkë me Policinë e Kosovës, në mënyrë intensive janë duke bërë hetime, duke grumbulluar prova në mënyrë që të identifikohen të gjithë personat dhe të njëjtit të paraqiten tek organet hetuese për t'u përgjigjur për përgjegjësinë penale që kanë për këtë çështje", tha Nikçi për Klan Kosova./ Klankosova.tv https://www.youtube.com/watch?v=SchD3YGpCeo