Një person mbeti i vdekur dhe një tjetër u lëndua nga shpërthimi i një mini-cisterne pranë një pompe derivatesh në Pejë.
I lënduari, siç mëson Klan Kosova, ka pasur vetëm disa shqetësime shëndetësore, dhe pas marrjes së tretmanit në Emergjencën e Pejës është liruar për në shtëpi.
Klani ka mësuar se viktima ka ardhur për ta rregulluar cisternën dhe dyshohet se duke punuar me një mjet pune, siç njihet me emrin “shllajdericë”, ka prekur në pompë e cila më pas ka shpërthyer.
E zëdhënësi i Prokurorisë Themelore në Pejë, Shkodran Nikçi, ka thënë se shpërthimi ka pasur pasoja fatale në jetën dhe trupin e viktimës.
Në vendin e ngjarjes ka dalë Mjekësia Ligjore, dhe me urdhër të Prokurorit të Shtetit do të bëhet tërheqja e trupit të pajetë.
“Shpërthimi ka ardhur si pasojë e një mini-cisterne, ku pasoja ka qenë fatale për jetën dhe trupin e viktimës”, ka thënë Nikçi. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
