Dështon votimi i anëtarëve të bordit të Trustit

Ministri i Financave, Punës dhe Transfereve, Hekuran Murati, ka bërë të ditur se sot është pamundësuar votimi i anëtarëve të bordit të Trustit në Komisionin për Buxhet. Murati ia la fajin opozitës për mungesë kuorumi dhe votimi për anëtarët e bordit të Trustit, e që sipas tij, kjo ishte pa kurrfarë arsye. “Para disa muajsh opozita bënte alarm e shpërndante panik se si gjoja mjetet e Trustit po rrezikoheshin për shkak të mungesës së bordit”. “Kjo është vetëm dëshmia e radhës se kjo opozitë nuk e ka hallin as te qytetari e as te shteti. Halli është tjetër kund”, ka shkruar Murati, transmeton Klankosova.tv. Kujtojmë se opozita e ka paralajmëruar mazhorancën se nuk do të marrin pjesë në seanca e komisione parlamentare përderisa Kosova të jetë nën masa ndëshkuese nga aleatët. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.