Dëshmia në Hagë, Bytyqi: Rubin rikonfirmoi të vërtetat e mëdha të historisë së drejtë

Ka përfunduar dëshmia treditore e ish-diplomatit amerikan, James Rubin në Hagë. Për dëshminë e tij pro-Thaçit, u nxitën debate të shumta në vend, lidhur me të cilat në emisionin “Ora Shtatë” diskutuan Azdren Bytyqi dhe Adnan Sogojeva, transmeton Klankosova.tv. Sipas Bytyqit, dëshmia e Rubin ka peshë, pasi sipas tij, ai rikonfirmoi të vërtetat e historisë së drejtë të Kosovës. “Duke pasur parasysh se James Rubin nuk është një dëshmitar i zakonshëm, por ka qenë përfaqësues i politikës së lartë të Shteteve të Bashkuara, në kohën kur UÇK-ja ka qenë në luftë dhe janë zhvilluar bisedimet në Rambuje, e pastaj bombardimet e NATO-s e krejt në fund çlirimi i Kosovës”. “Të vërtetat që ai thotë, nuk janë të vërteta të reja që tronditin opinionin, por janë rikonfirmim i të vërtetave të mëdha që i njeh historia e drejtë. Mirëpo ajo që është e fuqishme në kuptimin juridik, dhe për mua është shumë më shumë e peshueshme se gjithë ata dëshmitarë serb e shqiptarë, që kanë dëshmuar deri sot për lopë e për viça, e gjëra të kota, është përgjegjësia që ai ka pasur politikisht”, u shpreh Bytyqi. Nga ana tjetër, Sogojeva thotë se Rubin tha edhe një të vërtetë të madhe, e që sipas tij është ajo që Gjykata Speciale po sillet keq me të paraburgosurit, pra me ish-luftëtarët e Ushtrisë Çlirimtare të Kosovës. https://www.youtube.com/watch?v=r6n6UwSr788