Dërgohet në mbajtje për 48 orë i dyshuari për therjen fatale të vëllait në Prishtinë

Policia ka dhënë detaje në lidhje me rastin e mbrëmshëm, ku Gent Myftari dyshohet se ka therur për vdekjen vëllanë e tij, Auron Myftarit. Në raport bëhet e ditur se pas intervistimit, me vendim të prokurorit kujdestar i dyshuari është dërguar në qendrën e mbajtjes për 48 orë, njofton Klankosova.tv. “Është arrestuar i dyshuari mashkull kosovar pasi që me mjet të mprehtë-thikë kishte goditur disa herë viktimën mashkull kosovar. Në vendin e ngjarjes, njësia e Urgjencës ka bërë konstatimin e vdekjes së viktimës si dhe të dyshuarit i është dhënë tretman mjekësor pasi kishte lëndime trupore”. “Në vendin e ngjarjes kanë dal edhe prokurori kujdestar dhe njësia e IML-së. Pas intervistimit, me vendim të prokurorit kujdestar i dyshuari është dërguar në qendrën e mbajtjes për 48 orë”, thuhet tutje në raportin e policisë. Vërejtje: Personat e përmendur në këtë artikull, sipas ligjeve të Republikës së Kosovës, konsiderohen të pafajshëm deri në vendimin e formës së prerë nga gjykata. https://klankosova.tv/reagon-vellai-i-personit-qe-u-ther-per-vdekje-ne-prishtine-kerkojme-mirekuptim-qe-te-mos-spekulohet/ https://klankosova.tv/theri-per-vdekje-1vellain-flet-kryeprokurori-sipas-informacioneve-fillestare-i-dyshuari-eshte-me-te-meta-psiqike/