Deputeti i Bundestagut vlerëson lart paraqitjen e Shqipërisë në "EURO 2024": Frymëzim për brezat e ardhshëm

Deputeti i Bundestagut Peter Beyer, e ka vlerësuar lart lojën e kombëtarës së Shqipërisë në Kampionatin Evropian. Beyer tha se paraqitja e futbollistëve shqiptarë do të jetë frymëzim për brezat e ardhshëm. "Një falënderim i veçantë shkon për trajnerin Sylvinho dhe gjithë ekipin për punën e tyre të jashtëzakonshme. Jam i bindur se kjo arritje madhështore do të jetë frymëzim për brezat e ardhshëm. Forca Shqipëri” shkruan ai. Shqipëria pati paraqitje solide në Gjermani, ani se ishte në një grup tejet të fortë. "Kuqezinjtë" ishin në grupin B bashkë me Spanjën, Italinë dhe Kroacinë. Futbollistët e Sylvinhos nuk arritën të shkojnë në fazën e eliminimit direkt, por shqiptarët ranë në sy me përkrahjen që kishin. Tifozët e kombëtares u shquan për atmosferen dhe kulturën e treguar. Ata 'pushtuan' stadiumet dhe rrugët e Gjermanisë. Sipas një statistike të nxjerra nga mediat gjermane, llogaritej se 95 mijë tifozë i dhanë përkrahje kombëtares shqiptare.

 

View this post on Instagram

 

A post shared by Peter Beyer MdB (@peterbeyerbundestag)