Dënimi me 15 vjet i kosovarit në Beograd, Syla: Serbia po tenton ta njollosë luftën e UÇK-së

Nënkryetari i OVL-UÇK-së, Gazmend Syla, ka deklaruar për Klan Kosova se besojnë në pafajësinë e bashkëluftëtarit Gjelosh Krasniqi, i cili është dënuar me 15 vjet burgim në mungesë nga Gjykata e Beogradit. Ai tha se pretendimet e akuzat që ia drejton shteti serb janë të pabaza dhe të pavërteta. Sipas Sylës, kjo nuk është diçka e re, duke e ditur që Serbia vazhdimisht tenton ta njollosë luftën e pastër të UÇK-së, njofton Klankosova.tv. Ai theksoi se Gjelosh Krasniqi, përveç që vetë doli në mbrojtje të vendit në kohën më të vështirë, është edhe vëllai i dëshmorit, Gjergj Krasniqi. “Lufta jonë ka qenë e drejtë. UÇK-ja nuk ka bërë krime. Jemi krenarë me çdo luftëtar të UÇK-së. Me luftën speciale të Serbisë jemi duke u ballafaquar çdo ditë prej ditës së çlirimit të Kosovës”, u shpreh Syla. Lajmin për dënimin e Krasniqit nga Gjykata e Beogradit në mungesë mund ta gjeni në linkun si në vijim.   https://klankosova.tv/ish-ushtari-i-uck-se-denohet-me-15-vjet-burgim-nga-gjykata-e-beogradit-fdh-del-me-njoftim/