Dëmtoi me traktor zyrat e Syri TV, i dehuri e rrah edhe personin që u mundua ta ndalonte

Zyret e mediumit "Syri TV" në Gjakovë, u dëmtuan mesnatën e së shtunës. Lidhur me rastin, detaje ka dhënë policia e Kosovës. Zëdhënësi Sheremet Elezaj, tha për Klankosova.tv se i dyshuari ka qenë nën ndikim të alkoolit. "Një person nën ndikim të alkoolit ka hyrë me traktor në Parkun e Qytetit, duke shkaktuar dëme aty e po ashtu duke i dëmtuar edhe disa lokale. Ai është arrestuar nga policia. Po ashtu ai e ka sulmuar edhe një person i cili është munduar që ta ndalonte", tha Elezaj. "Lidhur me rastin kanë nisur hetimet. nga Prokurori i Shtetit është cilësuar si "Dëmtim ose asgjësim i pasurisë" dhe "Lëndim i lehtë trupor", theksoi ai.