Demolli triumfon në Krujë (FOTO)

Piloti kosovar Gazmend Demolli ka dal fitues i garës në Krujë, që quhet “Trofeu Skënderbej”. Për të kjo pati vlerë të dyfishtë, duke marrë parasysh se mori pikë për Kampionatin e Kosovës dhe Kampionatin e Federatës Ndërkombëtare të Automobilizmit CEZ, përcjell klankosova.tv. Demolli në shtegun atraktiv të Krujës kohën më të mirë e arriti në tentimin e dytë prej 02:12.897. Kështu ai ishte bindshëm më i shpejtë se përcjellësi më i afërt, hungarezi me nënshtetësi kroate Laszlo Szasz. Ndërsa, Arjeta Rysha vazhdon të jetë e vetmja femër në disiplinën malore dhe me shumë sukses po i kalon sfidat e njëpasnjëshme. Ajo u nderua edhe me çmimin e veçantë si garuesja e vetme femër, ndërsa u rendit e treta në Klasën 1.