Deçiqi i Tuzit i bashkohet Ballkanit dhe Dritës në rrethin e tretë kualifikues të UECL-së

Klubi shqiptar, kampion në Mal të Zi, e ka kaluar me sukses rrethin e dytë kualifikues në UEFA Europa Conference League. Deçiq ka barazuar pa gola në ndeshjen e kthimit me Dinamo Batumin, por që fitorja e javës së kaluar 2-0 në Gjeorgji, i ka mjaftuar për të kaluar tutje, raporton klankosova.tv. Deri tani pos skuadrës nga Tuzi, fazën finale të eliminatoreve në UECL do ta kërkojnë edhe kampionët e Kosovës, FC Ballkani dhe FC Drita që sonte kaluan kundërshtarët e tyre, Hamrun Spartans (Maltë), respektivisht Breidablik (Islandë). Afër për t'iu bashkuar "turmës" së shqipeve, është edhe kampionja e Shqipërisë, FC Egnatia, që në duelin e parë në Reykjavik mposhtën Vikingurin 1-0. Të enjten në "Elbasan Arena" rrogozhinasëve u mjafton një barazim, për t'u kualifikuar në raundin e tretë kualifikues të Konferencës Evropiane, njofton klankosova.tv. Kundërshtari i radhës për Deçiqin është kampioni i Finlandës, HJK Helsiki. Ballkani takohet me homologët irlandezo-verior, FC Larne, kurse Drita e pret fituesin e duelit Auda (Letoni) vs Cliftonville (Irlandë e Veriut).  Egnatia nëse nuk dështon të kualifikohet, ndeshet me kampionët e Estonisë, Flora Tallin.