Debati për gazsjellësin dhe bateritë, Albright: Jemi të lumtur për përzgjedhjen e tyre (VIDEO)

Drejtoresha ekzekutive e Korporatës së Sfidave të Mijëvjeçarit, Alice Albright, ka folur edhe për debatin që është bërë në Kosovë për projektin amerikan për gazsjellësin kundrejt baterive për ruajtje. Në Rubikon të Klan Kosovës, ajo ka thënë se MCC është korrekte edhe ndaj përzgjedhjes së qeverisë për projektin me bateritë për ruajtje. "E përmenda në fillim se si pronësia e shtetit është shumë e rëndësishme në mënyrën se si ne punojmë, pra ne ishim shumë të lumtur të punojmë me qeverinë dhe zgjedhjen e tyre që të favorizojnë opsionin për bateritë për ruajtje. Në kuptim të fondeve që janë të përfshira, nuk kanë humbur fonde të MCC-së, qeveria është duke marrë të njëjtat fonde nga MCC-ja që do t’i kishte marrë", ka thënë Albright, "Ne jemi shumë komod me këtë zgjedhje dhe jemi gjithashtu komod me atë aspekt të projektit, i cili do të vazhdojë të punojë në përfshirjen dhe inkuadrimin e grave në këtë sektor dhe t’u japë atyre aftësitë dhe trajnimin që u duhet për të filluar të përfshihen në atë që ministrja e përshkroi në mënyrë shumë të saktë se do të jetë një sektor shumë dinamik këtu". "Pra, jemi plotësisht dakord me këtë dhe të etur për të filluar punën dhe kemi shumë punë përpara dhe të dyja ekipet kanë kaluar shumë kohë gjatë kësaj vizite, duke i diskutuar detajet dhe çfarë duhet të ndodhë dhe të gjithë mezi po presim të fillojë", ka thënë Albright. https://www.youtube.com/watch?v=C_uP8Ekc8Q4