De Biasi: Ishte sukses i vështirë

Gianni De Biasi…”Nuk ishte e vështirë ta motivoja skuadrën sepse vinim nga një pjesë e parë e mirë dhe pjesa e dytë ku nuk dolëm në lojën tonë dhe ramë në kurthin e tyre. Për fat të mirë gjetëm këtë gol. Unë shpresoja që të rigjenim golin me goditje standarte. Kjo fitore na lumturon sepse jemi në kuotën e 3 pikëve si Spanja dhe Italia”. Në vijim, De Biasi pohoi se askush nuk e priste që Maqedonia të transformohej në pjesën e dytë, ndërsa e pranoi se rreshtimi i kundërshtareve me 5 mbrojtës të deklaruar, e detyroi të ndryshonte formacionin 60 minuta përpara startit, shkruan SuperSport.al. “Kemi lojtare të aftë për të luajtur edhe nga krahet me Agollin e lenjanin dhe Hysajn e Roshin. Mund të luajmë me çdo modull qe duam, por skuadra duhet t’i interpretojë në mënyrën më të mirë. Ne duhet të mësojmë të përshtatemi gjatë ndeshjes sepse Maqedonia luajti këtu me 5 mbrojtës”. Në fund, 60-vjeçari i stolit shqiptar e pranoi se Maqedonia, Lihtenshtejni dhe Izraeli jane skuadrat që duhen mundur në këtë grup, ndërsa ndaj Italisë dhe Spanjës do të jetë shumë e vështirë.