Dashuria në kohën e koronavirusit: Burri britanik rrezikon veten dhe nuk e lë gruan e tij kineze

Një burrë britanik që jeton në qendër të shpërthimit vdekjeprurës të koronavirusit po rrezikon jetën e tij për të qëndruar me gruan e tij kineze pasi autoritetet britanike nuk pranuan që ai të kthehej me guran e tij në shtëpi. Qytetarët britanikë do të evakuohen nga Wuhan të enjten dhe do të dërgohen në karantinë për dy javë në një bazë ushtarake në Mbretërinë e Bashkuar, pasi numri i të vdekurve në mbarë botën ka arritur në 132 dhe virusi vdekjeprurës ka infektuar mbi 6000 njerëz, njofton Klan Kosova. Benito Crolla, 38 vjeç dhe nëna e tij Joan, 75 vjeçare, mund të ishin në fluturim - por ai thotë se ata nuk kanë 'zgjidhje tjetër', por të qëndrojnë me gruan kineze Maddie Wu, 38 vjeçare, pasi ajo u ndalua të largohej nga vendi sepse është me nënshtetësi kineze. Ish-piloti u dashurua me gruan e tij pasi u takuan në aplikacionin për takime kineze Tantan kur ai udhëtoi për një pushim vjetor muajsh. Ai tha se do të frikësohej për sigurinë e Maddie nëse ai do ta linte atë duke thënë se gruaja e tij ka një rol kryesor në kujdesin e Joan, e cila vuan nga dementia dhe ka nevojë për kujdes të rregullt. Banori i Wuhan ka akuzuar Britaninë dhe autoritetet kineze për “trajtimin e krizës së koronavirusit, duke pretenduar se familja e tij ka qenë e ‘braktisur dhe gënjyer’, me mesazhe të përziera dhe komunikim të dobët”, shkruan Metro. Ish-piloti thotë se ai mori një e-mail nga Zyra për Çështje të Jashtme të martën që thoshte se e gjithë familja do të ishte në gjendje të transportohej me aeroplan. Megjithatë, entuziazmi i tyre u shua kur një e-mail i dytë të mërkurën tha se nuk do të ishte e mundur për shtetasit kinezë të largoheshin, as edhe me bashkëshortët e tyre.