Lajmet e fundit
Incidenti i javës së kaluar ndaj presidentes së Kosovës Vjosa Osmani, në Aeroportin e Shkupit, ka zgjuar interesim të madh në opinionin publik.
Lidhur me ngjarjen është pyetur edhe Departamenti Amerikan i Shtetit.
"Ne i kemi parë raportet dhe nuk do të komentojmë për hetimet në vazhdim", tha DASH për Zërin e Amerikës në gjuhen maqedonase.
Departamenti Amerikan ishte pyetur nëse kryetari i Kuvendit Afrim Gashi duhet të mbajë përgjegjësi politike për incidentin në aeroportin e Shkupit me Presidentin Kosova Vjosa Osmani.
Ministria e Brendshme e Maqedonisë së Veriut, tha se shefi i sigurisë së Gashit, me dy anëtarë të tjerë të ekipit, me urdhër të kryeparlamentarit, kanë dalë para sallës së VIP-ave në aeroport, janë konfliktuar me policët e stacionuar aty, duke kërkuar përgjigje se pse është insistuar që presidenti i Kosovës të kalojë përmes kontrollit të sigurisë në aeroport.
Gashi vet ka deklaruar se e kishte dërguar sigurimin për të qetësuar situatën, transmeton Klankosova.tv
"Çfarë mesazhi dërgon sjellja e kryeparlamentarit përsa i përket protokollit politik dhe diplomacisë, është përgjigjur tutje shkurtimisht shërbimi për shtyp i Departamentit të Shtetit
Ministria e Punëve të Jashtme e Kosovës e cilësoi ngjarjen në aeroportin e Shkupit “trajtim të papërshtatshëm dhe të paligjshëm nga pjesëtarët e sigurimit të aeroportit” ndaj Osmanit.
“Ministrja Donika Gervala u dërgoi një notë proteste autoriteteve në Maqedoninë e Veriut, duke kërkuar shpjegim të menjëhershëm dhe të plotë për këtë incident. Njëkohësisht, nga autoritetet maqedonase është kërkuar që të marrin masa të menjëhershme për hetimin e këtij rasti dhe të sigurojnë që ngjarje të tilla të mos përsëriten në të ardhmen”, thuhet në komunikatën e Ministrisë së Punëve të Jashtme të Kosovës.
Kurse, grupi TAV i cili menaxhon me aeroportin e Shkupit, deklaroi se inspektimi i presidentit të Kosovës ishte "në përputhje me Ligjin e Aviacionit dhe rregulloret ligjore ndërkombëtare që kanë të bëjnë me sigurinë e aviacionit civil".
Për këtë incident dhe për disa arsye të tjera opozita kërkon largimin e Gashit.
“Ne kërkojmë urgjentisht që Mickoski ta zëvendësojë Gashin në krye të Kuvendit, për çka LSDM-ja do ta mbështesë. I bëjmë thirrje publikut që të inicojë procedurë, ndërsa Mickoski të dalë publik dhe të kërkojë përgjegjësi politike nga Gashi”, tha Bogdanka Kuzeska nga LSDM.
E majta, nga ana tjetër, ka kërkuar interpelancë për punën e Gashit për shkak të “futjes së politikave joparimore në Kuvend”, shkruan Zëri i Amerikës në gjuhen maqedonase.
“Baza e dytë mbi të cilën e parashtrojmë interpelancën është shkelje e rregullave diplomatike për sigurimin e VIP-ave dhe ky është rasti aktual kur shefi i sigurimit të kryetarit të Kuvendit të Maqedonisë ka marrë pjesë në një skandal praktikisht diplomatik në Aeroportin Ndërkombëtar. në Shkup dhe kryeparlamentari Gashi e ka pranuar publikisht se ai personalisht ka dhënë urdhër për ndërhyrjen e tij në një zonë ilegale”, thotë Dimitar Apasiev, kryetar i Lefta.
Sipas koalicionit “Vredi”, kërkesa për interpelancë të Gashit është eksperiment kundër NATO-s.
“Përgjegjësia politike kërkohet me bujë. Ndërtimi po bëhet me sigurimin e kryetarit të Kuvendit. Levica është kërkues, LSDM është përkrahës, dhe BDI kërkon alibi që të hyjë publikisht në këtë shoqëri dhe nga një shtytës anësor të marrë rolin e koordinatorit politik”, thuhet në njoftimin e “Vredi”.
VMRO-DPMNE thotë se nuk ka nevojë për zëvendësim të kryetarit të Kuvendit sepse është lokalizuar përgjegjësia dhe institucionet kanë marrë masa të menjëhershme.
“Vlerësojmë që përgjegjësia tashmë është lokalizuar, institucionet kanë marrë masa urgjente si asnjëherë më parë. Qytetarët dëshmojnë se ka kallëzime penale ndryshe nga dikur. Ne dëshmuam se ka shtet dhe se ligjet duhet të zbatohen njësoj për të gjithë. Përpjekjet e LSDM-së, BDI-së dhe Levicës për të fituar pikë të vogla politike për këtë çështje nuk na befasojnë dhe presim sjellje devijante të tyre edhe në të ardhmen”, tha Marija Miteva nga VMRO-DPMNE.
Departamenti i Kontrollit të Brendshëm në MPB e ka suspenduar shefin e sigurimit dhe ka hapur procedurë ndaj dy truprojave të tjerë, ndërsa i pyetur nëse do të ketë përgjegjësi për Gashin, kryeministri Hristijan Mickoski është përgjigjur se askush nuk është mbi ligjin.
