Lajmet e fundit
Qeveria daneze ka vendosur të ndalojë përdorimin e telefonave celularë në të gjitha shkollat fillore dhe të mesme shtetërore, si pjesë e një përpjekjeje për të përmirësuar mirëqenien e fëmijëve dhe të rinjve.
Vendimi përfshin pothuajse të gjithë nxënësit e moshës 7 deri në 17 vjeç, të cilët nuk do të lejohen të marrin telefonat me vete në shkollë.
Kjo lëvizje vjen në një kohë kur gjithnjë e më shumë vende evropiane po miratojnë masa më të ashpra për kufizimin e aksesit të fëmijëve në teknologji dhe rrjete sociale, me qëllim mbrojtjen e shëndetit mendor dhe nxitjen e ndërveprimit social.
Ky vendim pritet të zbatohet në të gjithë vendin, ndërsa shkollat do të punojnë për të krijuar mjedise më të përqendruara në mësim dhe mirëqenie.
