Dalin në shitje biletat për fazën e parë të tour-it të Yll Limanit

Three60 Music ka njoftuar se biletat për fazën e parë të “Thirrem Sot ose Nesër” International Live Tour 2026 të Yll Limanit janë zyrtarisht në shitje duke filluar nga sot, ora 12:00. Sipas njoftimit, për organizimin e tourit të parë ndërkombëtar , një moment historik që shënon një standard të ri për produksionet live nga artistët shqiptarë, interesimi i publikut ka qenë i jashtëzakonshëm që në momentin e shpalljes së datave të para, transmeton Klankosova.tv. Faza e parë përfshin katër qytete evropiane: - Zürich, Zvicër (18 Prill 2026) – 50% e biletave janë shitur në vetëm 30 minuta - Oberhausen, Gjermani (24 Prill 2026) - Vienna, Austri (9 Maj 2026) - Malmö, Suedi (6 Qershor 2026) Këto do të jenë performancat e vetme të Yll Limanit për vitin 2026 në këto qytete. Tour-i është konceptuar si një eksperiencë e plotë koncertale, me produksion të zgjeruar live, bandë profesionale dhe salla koncertale të përzgjedhura me kujdes, duke reflektuar qasjen e re artistike dhe strategjike pas vendimit për të mos realizuar më club shows.