"Curri" dorëzohet tek organet e drejtësisë

Ismet Osmani, i njohur si "Curri" është dorëzuar sot tek autoritetet e drejtësisë së Kosovës. Ai sot u paraqit në Pallatin e Drejtësisë. Kjo u konfirmua për Klankosova.tv nga Prokuroria Themelore e Prishtinës. Ndaj të njëjtit është caktuar masa e ndalimit për 48 orë, njofton Klankosova.tv Ende nuk dihet nëse është bërë kërkesa për caktimin e masës së paraburgimit. "Curri" i cili ishte në një proces gjyqësor si i akuzuar për vepren e fajdesë, nuk ishte paraqitur në disa seanca, për çka i shtyri organet e drejtësisë ta kërkojnë atë. I njëjti ishte përfshirë edhe në një rast tjetër, por organet e sigurisë nuk kishin arritur ta kapnin.