Covey mohon se Thaçi dhe Çeku ishin ekstremistë të UÇK-së

Ish-zëvendësi i Bernard Kouchner, Jock Covey po vazhdon dëshminë e tij në Hagë. Avokati Luka Mishetiq pyeti Coveyn nëse i konsideronte Agim Çekun dhe Hashim Thaçin si ekstremistë të UÇK-së, transmeton Klankosova.tv. Covey, në një përgjigje të shkurtë tha se assesi nuk i konsideronte të tillë Çekun dhe Thaçin. “Absolutisht jo, është krejt e kundërta. Edhe pse ushtarët e UÇK-së kishin ndihmuar në disfatën e serbëve, ata ndjenin se KFOR-i nuk po ua jepte mundësinë të përfundonin punën që e kishin filluar, pra që të largonin serbët nga vendi”, u shpreh Covey.