Cosmi: “Ajo që ndodhi nuk ishte futboll” – Reagimi ndaj Chiellinit pas Inter-Juventus

Ish-trajneri italian Serse Cosmi iu përgjigj drejtuesit të Juventusit, Giorgio Chiellini, pas ankesave të mbrojtësit për vendimet e gjyqtarit në humbjen 3-2 kundër Interit. Cosmi tha se kishte përjetuar një situatë që “nuk ishte futboll”. Zemërimi i Chiellinit u shkaktua nga kartoni i kuq ndaj Pierre Kalulu-t gjatë ndeshjes së së shtunës. Mbrojtësi francez u ndëshkua për një faull ndaj Alessandro Bastoni-t, i cili dukej se kishte rënë lehtë, dhe më pas festoi përjashtimin. Trajneri i Interit, Cristian Chivu, theksoi se Kalulu nuk duhej të prekte Bastoni-n, ndërsa Chiellini u përplas me gjyqtarin në tunel dhe shprehu pakënaqësinë për media, duke thënë se ishte “e pamundur të flitet për futboll” pas këtij vendimi. Cosmi komentoi situatën për Sport Mediaset: “Nuk më pëlqeu asnjë fjalë. As ato të Cristian Chivu-t, nga i cili prisja një reagim më të matur, por as ato të Giorgio Chiellini-t, i cili erdhi të na thoshte se kjo nuk është futboll. Me gjithë respektin, unë përjetova atë që në të vërtetë nuk ishte futboll.”