Comodita zgjeron rrjetin në Shqipëri, hap dyqanin e dytë në Lezhë (VIDEO)

Brendi i gjumit të mirë, Comodita, ka hapur dyqanin më të ri në qytetin e Lezhës, i dyti në këtë bashki, si pjesë e zgjerimit të vazhdueshëm rajonal që tashmë numëron 102 dyqane. Hapësira e re prej 400 m² ofron një përvojë moderne blerjeje, me ekspozim të dizajnuar si ambiente reale të shtëpisë, ku klientët mund të shohin qartë secilin produkt dhe ta imagjinojnë në hapësirat e tyre, theksoi drejtori i Zhvillimit të Biznesit, Dardan Selimi. Sipas Selimit, Comodita ka sjellë edhe korniza të reja dhe modele të ndryshme që kanë zgjuar interes të madh tek konsumatorët, sidomos falë çmimeve promovuese. “Kemi filluar me pas një kërkesë shumë të madhe për korniza, me ngjyra e modele të ndryshme. Klienti tash e sheh dyshekun në kornizë, bashkë me pjesën tjetër të dhomës”, u shpreh Selimi. Ai shtoi se kompania vazhdon të forcojë pozicionin si lider i industrisë së dyshekëve në rajon. “Shifra është 102 dyqane në rajon dhe po vazhdojmë të zgjerohemi. Jemi shumë krenarë që sot po hapim pikën tonë të 102-të”, tregoi ai. Kualiteti i dëshmuar i super-brendit të “Devolli Corporation” po tërheq gjithnjë e më shumë klientë në tregun shqiptar. Menaxherja Kela Meko thotë se krahas dyshekëve, kërkesa është e lartë edhe për tekstilin. “Përveç dyshekëve, shumë të kërkuara janë batanijet, çarçafët, produktet e kuzhinës dhe ato të udhëtimit”, thotë ajo. Edhe gastronomët zgjedhin Comodita për pajisje cilësore të kuzhinës, nga tenxheret te tiganët, ndërsa klientët që udhëtojnë shpesh vlerësojnë produktet e linjës së udhëtimit për komoditetin që ofrojnë. Hoteleria e bregdetit shqiptar po ashtu e gjen veten te produktet e Comoditas, ku kërkesat për çarçafë dhe dyshekë janë të larta. Një kliente besnike tregon se ofertat dhe cilësia e kanë kthyer Comoditën në ndalesë të rregullt. “Jam kliente e rregullt. Kur ka oferta edhe kur jam duke kërkuar diçka, ndalem dhe blej”, u shpreh ajo. Comodita paralajmëron se së shpejti do të hapë dy pika të reja, një në Peshkopi dhe një në Tiranë, duke vazhduar të zgjerojë praninë e saj me produkte cilësore dhe çmime të aksesueshme për tregun shqiptar. /Klankosova.tv https://youtu.be/k0L-roPQyYs