Comodita, pjesë e mega-panairit në Las Vegas (VIDEO)

Dyshekë, jastëkë, mbishtresa dhe jo vetëm. Një gamë e gjerë e prodhimeve nga Comodita, po bëhen dëshmi e kualitetit të ekspozuar në panairin botëror të mobileve dhe produkteve të shtëpisë në Las Vegas. Comodita apo Venitus Internacional në këtë organizim prej më të rëndësishmeve në këtë fushë, prezanton produktet më moderne, të përshtatura për nevojat dhe kërkesat e tregut amerikan. “Është kënaqësi që Comodita bëhet kompania e parë kosovare me ‘showroom’-in e saj në panairin kryesor në industrinë e gjumit në ShBA”, ka thënë Albana Gazija-Qaushi, menaxhere e marketingut në këtë kompani. Ky panair ka rëndësi të veçantë për rritjen e eksportit të produkteve në SHBA, dhe suksesi qe i dukshëm qysh në fillim. “Gjatë këtyre ditëve patëm vizita të ndryshme nga kompanitë me të cilat arritëm 6 marrëveshje bashkëpunimi”, është shprehur Floriana Morina, përfaqësuese e shitjes ndërkombëtare. Las Vegas Market, ku mund të gjenden ‘showroom’-e të përhershme e ekspozita të përkohshme, do të jetë i hapur për vizitorë deri më 28 korrik. https://www.youtube.com/watch?v=DMosWlwF6kw