Comodita Home hap dyqanin e ri në Vlorë – me oferta ekskluzive dhe surpriza të reja për qytetin bregdetar (VIDEO)

Lideri i tregut të produkteve për shtëpi, Comodita Home, ka hapur dyqanin e tij më të ri në qytetin e Vlorës, pranë aksit të Rrugës Transballkanike. Ky është dyqani i 31-të në Shqipëri dhe njëkohësisht i dyti në Vlorë, duke konfirmuar edhe një herë besimin dhe dashurinë që qyteti bregdetar i ka dhënë brandit që prej ditës së parë. Kjo hapje e re sjell për të gjithe qytetarët e Vlorës mundësinë të përfitojnë nga çmime të papërsëritshme për produkte cilësore. Por surprizat nuk mbarojnë këtu: vetëm pas 5 ditësh, Comodita Home do të hapë edhe një dyqan tjetër në Vlorë, duke e çuar në 3 numrin e pikave në qytetin bregdetar. “Vlora na ka mirëpritur dhe përqafuar që në hapjen e parë. Kjo është arsyeja pse vazhdojmë të zgjerohemi këtu, për të qenë gjithmonë më pranë konsumatorëve tanë me produkte cilësore, komoditet dhe eksperiencë blerjeje unike. Sigurisht qe ky inagurim i ri sjell oferta ekskluzive dhe te dedikuara, me ulje mbi uljet ekzistuese te të gjithë rrjetet.” – u shpreh Drejtor i zhvillimit të Biznesit, Dardan Selimi. Gjatë ceremonisë së hapjes, Znj. Alxherida Aliaj, menaxhere e rajonit të jugut për Comodita Home, u shpreh:
“Vlora është një qytet energjik dhe plot jetë, që na ka mirëpritur me shumë dashuri që në hapjen e parë. Ne e pamë të nevojshme të ishim edhe më pranë konsumatorëve tanë, duke sjellë një dyqan të ri modern dhe të aksesueshëm për të gjithë. Zgjerimi ynë i shpejtë në këtë qytet është dëshmi e kërkesës dhe besimit që klientët tanë kanë tek Comodita Home.” Në dyqanet e Comodita Home, konsumatorët gjejnë një gamë të gjerë prej mbi 5,000 produktesh:

• Dyshekë dhe tekstile gjumi për një gjumë të shëndetshëm,
• Dekor dhe mobilim për çdo stil shtëpie,
• Produkte kuzhine dhe udhëtimi, që kombinojnë cilësinë me funksionalitetin.

Entuziazmi nuk mungoi as nga qytetarët e Vlorës. Znj Julinda Bidinaj, kliente e rregullt e Comodita Home, tha: “Që në hapjen e parë, Comodita është bërë zgjedhja jonë e parë për shtëpinë. Produktet e tyre kanë cilësi, janë praktike dhe të qëndrueshme. Me hapjen e dyqanit të ri kemi më shumë lehtësi për të blerë dhe mezi presim të shfrytëzojmë uljet speciale.” Me hapjet e reja në Vlorë, Comodita Home arrin në 33 dyqane në Shqipëri, duke u bërë rrjeti më i madh i dedikuar për komoditetin e shtëpisë në vend. Në total, brandi numëron afro 90 dyqane, perfshire Kosovën, Maqedoninë e Veriut dhe Belgjikën, duke ofruar të njëjtën eksperiencë dhe standard cilësie kudo. Me zgjerimet e vazhdueshme, Comodita Home forcon misionin për të ofruar produkte që bëjnë diferencën në çdo shtëpi shqiptare – me cilësi të garantuar, çmime të arritshme dhe komoditet për të gjithë. Comodita Home – Ndjehu komod! https://youtu.be/1hi1R2cAP5o