Çmimi i naftës në Kosovë, sikur para pesë vjetësh, thotë Berjani

Një litër e naftës në vend është duke u shitur me çmim 1.23 euro, derisa benzina me çmim 1.31. Kështu ka bërë të ditur kryetari i Shoqatës së Naftëtarëve të Kosovës, Fadil Berjani, i cili ka thënë se kjo nënkupton se niveli i çmimeve aktualisht është në atë që ka qenë pesë vjet më parë. “Nuk mund të dimë për çmimet për ditët në vijim, por çmimet janë në rënie. Trendi është drejtë normalitetit”, është shprehur Berjani, duke theksuar se në kushte normale çmimi për naftë do të duhej të ishte midis 1.00-1.15 euro, njofton KlanKosova.tv. Përveç që ka treguar për çmimet, ai ka bërë thirrje drejt tregtarëve që t’i ulin çmimet e produkteve të tjera. “Nafta është liruar, tani edhe marketet duhet t’i ulin çmimet. Të gjithë duhet te reflektojnë në shportën e qytetarit që ajo të jetë më e lirë”. Më poshtë i gjeni çmimet për naftë dhe benzinë në Kosovë dhe vendet e rajonit. Kosovë: Dizelli  1.23 €/ litër Benzina 1.30 €/litër Shqipëri: Dizel 1.59 €/litër Benzina 1.60 €/litër Serbi: Dizell 1.57 €/litër Benzin 1.59 €/litër Mali i Zi: Dizel 1.41 €/litër Benzina 1.58 €/litër Bosnja: Dizel 1.27 €/litër Benzina 1.27 €/litër Maqedonia e Veriut: Dizel  1.15 €/litër Benzin 1.31 €/litër Sllovenia: Dizelli 1.56 cent/litër Benzina 1.55 cent/litër Kroacia: Dizelli 1.57 cent/litër Benzin 1.58 cent/litër Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS