Çmimet në Kinë bien me ritmin më të shpejtë në 15 vjet, ekonomia lufton me deflacionin

Çmimet e konsumit anembanë Kinës janë duke rënë me ritmin më të shpejtë në 15 vjetët e fundit, derisa kjo ekonomi është duke pasur probleme me kërkesën e ulët. Indeksi i çmimeve të konsumit në Kinë, ra për 0.8 përqind në janar, sipas të dhënave të lëshuara. Ky është muaji i katërt me radhë që regjistron rënie, që përbën tkurrjen më të madhe që prej krizës financiare të 2009-ës, raporton The Guardian, përcjell KlanKosova.tv. Norma e inflacionit ka rënë pas uljes së çmimeve të ushqimit, që ka rënë për 5.9 përqind krahasuar me normën vjetore. Çmimi i mishit të derrit ka rënë për 17 përqind, perimeve të freskëta 12.7 përqind dhe frutave për 9.1 përqind.