Çmimet e prezervativëve pritet të rriten për shkak të luftës në Iran

Shefi i prodhuesve më të madh të prezervativëe në botë, Karex, thotë se firma do të rrisë çmimet e saj deri në 30% ose ndoshta më shumë nëse lufta në Iran vazhdon të ndërpresë furnizimet me lëndët e para të përdorura në produktet e saj. Drejtori ekzekutiv i Karex, Goh Miah Kiat, u tha mediave se kostot e prodhimit janë rritur ndjeshëm që nga fillimi i konfliktit. Firma me seli në Malajzi prodhon më shumë se pesë miliardë prezervativë në vit dhe furnizon markat kryesore globale si Durex dhe Trojan, si dhe sisteme shëndetësore shtetërore si NHS e Mbretërisë së Bashkuar. Goh i bëri komentet në intervista me Reuters dhe Bloomberg. Furnizimet globale të naftës janë ndërprerë rëndë që kur Irani iu përgjigj sulmeve ajrore të ShBA-së dhe Izraelit me kërcënime për të synuar anijet në Ngushticën e Hormuzit, shkruan BBC, transmeton Klankosova.tv. Kjo në fakt e ka mbyllur rrugën ujore, duke shkaktuar ndërprerje të mëdha në zinxhirët globalë të furnizimit. Karex mbështetet në materiale të nxjerra nga nafta, duke përfshirë amoniakun - i cili përdoret për të ruajtur lateksin dhe lubrifikantët me bazë silikoni. Kërkesa për prezervativë është rritur me rreth 30% këtë vit, me kosto më të larta transporti dhe vonesa në transport që përkeqësojnë mungesat, tha Goh./Klankosova.tv