Çka ndodhi sot në Kuvendin e Shqipërisë? Gazetari flet në detaje (VIDEO)

Kuvendi i Shqipërisë mbylli para kohe punimet e seancës së sotme për shkak të përplasjes mes deputetëve të pozitës dhe atyre të opozitës. Gazetari shqiptar, Mariglen Kume në "Edicionin Special" në Klan Kosova dha detaje mbi atë se çka ndodhi sot në seancën plenare të Kuvendit të Shqipërisë, transmeton Klankosova.tv. "Ishte planifikuar që të ishte një seancë e gjatë, pasi kishte tre pyetje përgjigjje me ministrat dhe po ashtu disa projektligje të rëndësishme. Por, një moment kulmoi çka solli edhe mbylljen e parakohshme të seancës pasi ishte kryetari i grupit parlamentar i PS, Taulant Balla i cili kërkoi që parlamenti të mbante një minutë heshtje në nderim të katër dëshmorëve të 2 prillit, pasi përkujtohej 35 vjetori. Ndërkohë, nga opozita u kërkua fjala nga ana e sekretarit të përgjithshëm, Flamur Noka dhe kryetari të grupit parlamentar të PD, Gazmend Bardhi të cilët ata kërkonin në fakt që të ishin ata që kërkonin një gjë të tillë pasi sipas tyre ka qenë regjimi komunist në fundin e tij i cili vrau katër dëshmorët në protestën e Shkodrës 35 vite më parë", tha ai. https://www.youtube.com/watch?v=yeEd1mesKZk