Çka duhet të dini për terapinë kirurgjikale që përdoret për trajtimin e Parkinsonit?

Ajo që kanë të përbashkët Adolf Hitleri, Mao Zeadong, George Bush, Vladimir Putin, Papa Gjon Pali II, Muhammed Ali, ashtu si edhe 10 milionë njerëz të tjerë në botë, është sëmundja e Parkinsonit (PD). Çdo vit, globalisht, më shumë se 50 mijë njerëzve u thuhet se kanë sëmundjen e Parkinsonit. Është e rëndësishme të kuptohet sëmundja, por më e rëndësishme të përkthehet ky kuptim në terapi më të mirë, e cila mund të mos shërojë apo ndalojë përparimin, por të japë një jetë më cilësore. Ky është stimulim i thellë i trurit (DBS), një terapi kirurgjikale e përdorur për trajtimin e Parkinsonit. Kirurgjia e stimulimit të thellë të trurit (DBS) implanton një pajisje që dërgon sinjale elektrike në zonat e trurit duke rezultuar në bllokimin e disa prej mesazheve që shkaktojnë simptoma të lëvizjes dhe duke përmirësuar komunikimin midis qelizave të trurit për të zvogëluar simptomat e Parkinsonit, përcjell Klankosova.tv Elektrodat vendosen thellë në tru dhe janë të lidhura me një pajisje stimuluese. Ngjashëm me një stimulues kardiak, ai përdor impulse elektrike për të rregulluar aktivitetin e trurit. DBS moderne u zhvillua në Francë në 1991 nga profesori i neurokirurgjisë, Dr. Alim-Louis Benabid. Me përparimet në teknologji dhe praktikat kirurgjikale, terapia ka vazhduar të përmirësohet dhe DBS tani është një procedurë e standardizuar në më shumë se 1 mijë e 200 spitale në të gjithë botën. Ai u miratua për herë të parë nga FDA-ja në SHBA në vitin 2003 vetëm për rastet e avancuara të Parkinsonit fillimisht, dhe më vonë në vitin 2011, për të gjitha rastet duke përfshirë distoninë, dridhjet thelbësore, epilepsinë dhe tani konsiderohet një trajtim mjaft i sigurt dhe efektiv. Më shumë se 1.7 milionë njerëz kanë pasur terapi DBS në 19 vitet e fundit në botë, me një normë suksesi prej mbi 97 përqind.