City e pret Interin në “Etihadin” që s’njeh për humbje në Champions që nga 2018-ta

Këtë të mërkurë do të luhen ndeshjet e mbetura të Champions League për xhiron e parë.

Kryendeshja e sotme është ajo në mes Manchester Cityt dhe Interit, e cila zhvillohet në “Etihad Stadium” nga ora 21:00.

Ekipi i Pep Guardiolës nuk njeh për humbje në “Etihad” që nga 19 shtatori i vitit 2018, kur ishte mposhtur nga Lyoni me rezultat 1-2, njofton Klankosova.tv.

Që nga ajo kohë, City i ka zhvilluar 31 ndeshje të tjera në Champions, në të cilat ka barazuar vetëm tri herë dhe i ka fituar 28 prej tyre.

City në këtë takim konsiderohet favorit absolut, përballë Interit i cili në fundjavë barazoi me Monzan me rezultat 1:1.

Në Champions sonte do të jenë edhe përballjet Bologna-Shakhtar Donetsk, Sparta Prague-Salzburg, Celtic-Slovana Bratislava, Cluv Brugge-Dortmund e PSG-Girona.