Çitaku nderon dëshmorët e kombit: Me sakrificën e tyre, mbajtën gjallë flakadanin e lirisë

Sekretarja e Përgjithshme e PDK-së, Vlora Çitaku ka nderuar dëshmorit e kombit. Në Ditën e Dëshmorëve të Kombit, Çitaku kujtoi me nderim të thellë të gjitha ato gra dhe burra që, me sakrificën e tyre, mbajtën gjallë flakadanin e lirisë ndër shekuj, transmeton Klankosova.tv. “Ata janë themeli mbi të cilin qëndrojmë, kujtesa që na udhëzon dhe amaneti që na obligon të ecim përpara me dinjitet. Lavdi e përjetshme dëshmorëve të kombit!”, ka shkruar ish-deputetja.