Lajmet e fundit
Amir Spahiu, tifoz i Kosovës[/caption]
E meqë futbollisti i Clujit nuk është pjesë e kombëtares për ndeshjet e muajit tetor, Amiri nga Rahoveci, mezi pret ta shikojë Mërgim Vojvodën dhe Edon Zhegrovën në fushë.
Mungesa e këtij të fundit në përballjen me Qipron, e kishte mërzitur pak, ani se 8 vjeçari nuk e ka fare idenë për arsyen që futbollisti i Lille ishte ndarë prej bashkëlojtarëve, njofton Klankosova.tv.
Por atë që ndodhi në muajin shtator në kampin e “Dardanëve”, sigurisht që e ka të qartë bashkëvendasi i këtij djaloshi, profesori universitar, Bylbyl Sokoli.
[caption id="attachment_2391601" align="alignnone" width="649"]
Bylbyl Sokoli, profesor universitar dhe trajner futbolli
Malsor Gjonbalaj, profesor në Fakultetin e Edukimit dhe Sportit, para selisë se FIFA-s[/caption]
“Këtë e them sepse mendoj që në mbrojtje kemi humbur pak freski, andaj Dellova përkrah Rrahmanit, do të kontribuonte për ta rritur agresivitetin dhe njëkohësisht për të dhënë më shumë maturi në këtë repart”, thotë ish-drejtori sportiv i Feronikelit dhe Shkëndisë së Tetovës.
Por ndryshe nga mbrojtja, një hendikep për elektorin e Kosovës është mungesa e goleadorit, Vedat Muriqit.
Profesor Sokoli e ka dikë në mendje që mund ta zëvendësojë dinjitetshëm “piratin”.
“Sigurisht se eshtë evidente mungesa e Muriqit dhe përzgjedhësi i ynë do të vendos mënyrën e lojës qe i përshtatet futbollistëve tanë, duke gjetur zëvendësuesin adekuat, që mund të jetë Albion Rrahmani” shprehet trajneri që në edicionin 2001/2002 e udhëhoqi skuadrën e Besianës drejt titullit kampion të Kosovës.
[caption id="attachment_2391616" align="alignnone" width="540"]
Albion Rrahmani, Vedat Muriqi dhe Ermal Krasniqi duke iu gëzuar golit me Kosovën[/caption]
Albion Rrahmani është zgjedhja e duhur edhe për Malësor Gjonbalaj,
“Mungesa e Vedat Muriqit është evidente pasi ai është shumë i angazhuar në lojën tonë. Ai vrapon shumë dhe përveç anës sulmuese, luan shumë mirë edhe në defanzivë. Do të jetë një hendikep për lojën në ajër, ku Vedati është i pakompromis. Megjithatë mua më pëlqen shumë Albion Rrahmani, mendoj se duhet ta fillojë takimin nga fillimi. Ai duket formë konsistente dhe ka një nuhatje më të madhe për golin” deklaron për Klankosova.tv ish-sulmuesi i Përfaqësueses së Kosovës.
Të dy emrat e mirënjohur të futbollit kosovar, pajtohen se humbja ndaj e 6 shtatorit ndaj Rumanisë, e ka vështirësuar objektivin për vendin e parë.
“Humbja e parë ishte shumë e thellë dhe vështirë mund të kompenzohet. Por padyshim që duhet besim e pastaj me shpresu që edhe rumunët ta humbin ndonjë takim, në mënyrë që në përballjen direkte në Rumani, të vendoset renditja përfundimtare në tabelë”, mendon Sokoli.
Sipas tij, deri sa ka garë, gjasat gjithmonë ekzistojnë!
E në këtë garë, Gjonbalaj thotë se tani Kosova duhet që t’i marrë të gjitha pikët maksimale.
“Sigurisht, ndeshja me Rumaninë shkaktoi shumë probleme. Ne duhet të synojmë fitore në çdo takim dhe të mos të presim që Rumania të gabojë. Është mirë nëse ajo gabon, por ne duhet të luftojmë me të gjitha kapacitetet për të marrë pikët maksimale në çdo ndeshje. Nuk është e lehtë, por mendoj se kemi cilësi”, përfundon prononcimin e tij për Klan Kosova, profesori i Fakultetit të Edukimit Fizik dhe Sportit.
Me përfaqësuesen e Kosovës e lidh edhe profesioni, por edhe pasioni që e ka për futbollin dhe ndjenja për shtetin.
Kompozitori Rinor Ukimeri, në studion e të cilit u realizua edhe kënga e “Dardanëve”, tifozëve zyrtarë të Kosovës, e ka një ndjesi të mirë se pas krizës së shtatorit, reprezentacioni do të këndellet.
“Gjithçka besoj do merr kahje pozitive, fillimisht me një fitore ndaj kundershtarit jo shumë të forte, siç është Lituania, për të vazhdu me rezultate të mira edhe në ndeshjet në vijim”, deklaron Ukimeri, sipas të cilit së pari është shumë e nevojshme të instalohet fryma e bashkëpunimit përsëri në kampin e përfaqësueses, duke lëne pas ato që ndodhën muajin e kaluar mes FFK-së, trajnerit dhe tre futbollistëve, Florent Muslijes, Aro Muriqit dhe Edon Zhegrovës.
[caption id="attachment_2391620" align="alignnone" width="613"]
Rinor Ukimeri, kompozitor[/caption]
Ky i fundit sipas tifozit nga Prizreni, do ta udhëheq Kosovën drejt suksesve.
“Mendoj se barrën e kryelojtarit në këto ndeshje do ta mbajë pikërisht Edon Zhegrova, pasi që momentalisht është duke kaluar një formë jetësore, madje është edhe në vezhgim nga klubet me të mëdha të kontinentit të vjetër.
Por për ta dëshmuar klasin e lojtarit kulminant, pikërisht tani është mundësia që ai të shkëlqejë edhe në Përfaqesuese, me çka do t'i bind të gjithë, edhe ata që mund të jenë skeptikë, se do të jetë lojtari më i madh i cili ka dalë nga Kosova dhe që zhvillon karrierën në ligat më të forta evropiane”.
Ndërkohë edhe tifozi muzicient i ekipit shtetëror, beson se Vedat Muriqin mund ta zëvendësojë ish-sulmuesi i Ballkanit, Albion Rrahmani.
Më e rëndësishmja si për tifozët, Rinorin e Amirin e vogël, ashtu edhe profesionistët e futbollit, është ecuria e mirë e ekipit kombëtar, të cilin ëndërrojnë që një ditë ta shikojnë pjesmarrës në një prej kompeticioneve kryesore ndërkombëtare.
