Lajmet e fundit
Videoja e dronit “Skifteri K-1 Made in Kosova”, e prezantuar si një test i suksesshëm, ka rezultuar të ketë pamje shpërthimi të gjeneruara me inteligjencë artificiale.
Eksperti i sigurisë, Bedri Elezi e ka quajtur shqetëuese reagimin e Ministrisë së Mbrojtjes lidhur me publikimin e kësaj video, transmeton Klankosova.tv.
“Kemi marr informacione se ky veprim është kryer jashtë territorit të Republikës së Kosovës, për faktin që në Kosovë ka disa procedura për ta shfrytëzuar ajrin. Nuk ka njoftim zyrtar mbi pajisjen, madje reagimi i Ministrisë së Mbrojtjes ka qenë shqetësues dhe serioz. E para, nëse ne me të vërtetë kemi një fluturake siç është ‘Skifteri 1’ dhe ministria nuk ka dijeni, dhe e dyta nëse ministria nuk ka qenë e përfshirë në testimin e një pajisje ushtarake”, tha Elezi në emisionin “Kosova Today”.
Me Elezin, u pajtua po ashtu eksperti i sigurisë, Ridvan Tahiri.
Në Klan Kosova, Tahiri tha se reagimi i ministrisë të bën të mendosh se kush dhe ku e bëri këtë manovër, pa dijeninë e institucioneve shtetërore.
“Reagimi i Ministrisë së Mbrojtjes ka qenë mu ulë me mendu se kush e bëri këtë manovër, ku u bë kjo manovër pa dijeninë e institucioneve shtetërore dhe sigurisë së saj”, tha Tahiri.
