Çikat e Kosovës e nisin mbrapsht FIBA U16 Women’s EuroBasket

Vashat e Kosovës e nisën me humbje FIBA U16 Women’s EuroBasket, Divizioni B, në Konya të Turqisë. Në ndeshjen e parë, kishin përballë Turqinë, dhe përkundër maksimumit që dhanë basketbollistet, pësuan me shifrat 45:105 (10:12, 6:38, 13:26, 16:29). Periudha e parë ishte e baraspeshuar, por nga periudha e dytë, vendaset filluan shkëputjen dhe fituan me 60 pikë dallim. Te Kosova, Gerta Hoti kishte nëntë pikë e 12 kërcime, derisa Klea Gashi 15 pikë. Nesër Kosova do të ndeshet me Ukrainën nga ora 18:00, derisa më pas do të ndeshet me Sllovakinë dhe Islandën.