Chris Brown akuzohet për sulm fizik ndaj një gruaje

Chris Brown është akuzuar për goditje të një gruaje pas një grindjeje në Los Angeles. Ylli 32 vjeçar i R&B, pretendohet të ketë goditur një grua ditën e premte. Një raport krimi ka përfunduar dhe zyra e avokatit të qytetit Los Angeles tani do të shqyrtojë nëse do të ngrejë ndonjë akuzë, shkruan BBC, përcjell Klankosova.tv Zëdhënësi i policisë tha se këngëtari amerikan nuk ishte i pranishëm kur ata arritën në vendin e ngjarjes. "Viktima tha se ajo dhe i dyshuari po debatonin, me ç'rast i dyshuari e goditi atë," shtoi ai. Përfaqësuesit e Chris Brown nuk i janë përgjigjur ende kërkesës për komente. Artisti fitues i Grammy-t ka qenë më parë në telashe me ligjin. Në vitin 2009 ai u arrestua për sulm ndaj të dashurës së tij të atëhershme, Rihanna, ku më vonë u deklarua fajtor për sulmin. Në vitin 2017, një tjetër e dashura, aktorja dhe modelja, Karrueche Tran, u dha një urdhër ndalimi pesë-vjeçar kundër tij.