Cheryl thotë se perceptimi i saj mbi jetën ndryshoi pasi u ‘ra në dashuri’ me meditimin

Cheryl i ka vlerësuar praktikat e saj të meditimit dhe jogas si burimin e jetës së saj të re. Ish-këngëtarja e grupit “Girls Aloud” ka hequr dorë nga jeta e yllit për të bërë një jetë të thjeshtë dhe të shëndetshme. Pas mbylljes së vendit ku ajo jeton si pasojë e pandemisë, këngëtarja vendosi të qëndrojë larg mediave sociale dhe iu përkushtua vetës, duke ndryshuar kështu tërë jetën e saj, shkruan Mirror, transmeton Klan Kosova. Është meditimi ai që i ka ndihmuar Cherylit të kalonte ankthin e saj të brendshëm dhe të ndryshonte perceptimet mbi jetën. “Dikur mendoja se si është të meditosh, i dëgjoja njerëzit që flisnin për këtë gjë, por nuk i kuptoja”, tha ndër të tjera Cheryl. Ndërsa, kur bëhet fjalë për ushtrime, Cheryl preferon më shumë ato relaksuese sesa lëvizjet me intensitet të lartë.