Chelsea shpreh interesim për Andoni Iraola

Chelsea FC po vazhdon kërkimin për një trajner të përhershëm, ndërsa në fokus është trajneri i Bournemouth, Andoni Iraola. Sipas raportimeve të mediave angleze, londinezët kanë nisur kontaktet e para me përfaqësuesit e tij, pas shkarkimit të Liam Rosenior, transmeton Klankosova.tv. Aktualisht, ekipin e drejton përkohësisht Calum McFarlane, por ai nuk pritet të mbetet në stol. Objektivi kryesor i Chelseat mbetet rikthimi në Champions League, ndërsa Iraola shihet si një nga kandidatët kryesorë, pasi ka bërë progres të madh me Bournemouthin në Premier League, duke ndërtuar një ekip me stil agresiv dhe organizim të fortë taktik. Vendimi përfundimtar pritet të merret gjatë verës, ndërsa mbetet për t’u parë nëse spanjolli mund ta transferojë suksesin e tij në një klub me pritshmëri më të larta si Chelsea.