Charlize Theron thotë se është në lidhje, por jo edhe e dashuruar

Charlize Theron akoma beson se mund ta gjejë dashurinë…kur të vijë koha e duhur. Aktorja 43 vjeçare dhe Seth Rogen, kolegu i saj nga “Long Shot”, ishin të ftuar në "The Howard Stern Show", ku Theron ka zbuluar se është në lidhje dashurie ndonëse më herët gjatë këtij muaji kishte thënë për ET se është “beqare dhe në dispozicion për lidhje dashurie”. “Jam në lidhje dashurie, po. Jo, nuk jam e dashuruar. Pse është kaq e çuditshme kjo?” “Dua të jem e qartë…a janë duke dëgjuar të gjithë?”, ka thënë tutje ajo me shaka, transmeton Klan Kosova. “Unë kam qenë duke rritur dy fëmijë të vegjël [August dhe Jackson] dhe jeta jote konsumohet shumë. Ata kanë nevojë për ty për gjithçka dhe në çdo moment. Unë jam një nënë beqare dhe kam vetëm një dado. Nuk është se njerëzit përreth meje më ndihmojnë shumë dhe unë kisha vërtetë shumë dëshirë të isha nënë prandaj e kam shijuar këtë kohë”, ka thënë aktorja. Theron tutje në këtë intervistë ka thënë se fëmijët e saj tani janë më të rritur dhe mund të kujdesen për veten, prandaj nuk kanë aq shumë nevojë më për të. “Tani kam pak më shumë kohë. Unë jetoj shumë thjeshtë, nuk bëj jetë shumë luksoze. Unë jetoj në shtëpinë e njëjtë tash e 25 vjet. Nuk kam disa shtëpi nëpër vende të ndryshme në botë, kam vetëm një shtëpi. Po ashtu, nuk kam një staf me shumë njerëz që kujdesen për mua - më pëlqen që të gjitha gjërat t’i bëj vetë”. Theron kishte bërë shaka me statusin e saj ‘single’ më herët gjatë këtij muaji në Las Vegas derisa kishte folur për ET. “Unë kam qenë beqare për 10 vjet, nuk është kohë shumë e gjatë. Dikush duhet të rritet në çift dhe të bëjë një hap. Unë jam në dispozicion për një lidhje dashurie – e kam bërë shumë të qartë këtë”, kishte deklaruar ajo. https://www.youtube.com/watch?v=VzMOjDISLpQ https://www.youtube.com/watch?v=Uc3oITAGEBs