Chapecoense fiton ndeshjen e parë finale (VIDEO)

Chapecoense, skuadra që përjetoi një tragjedi ajrore 4 muaj më parë kur humbi 19 futbollistë të skuadrës, ka fituar ndeshjen e parë në finale të Recopa Sudamericana.

Ekipi brazilian fitoi 2-1 përballë Atletico Nacional në sfidën e parë finale të Recopa Sudamericanae, trofeu që vendos përballë ekipin fitues të Kupës Libertadores dhe fituesit e Kupës Amerikano Jugore.

Goli i Reinaldos me 11 metërsh i dha avantazhin Chapecoense, ndërsa miqtë arritën të barazonin përkohësisht shifrat me Torres në pjesën e dytë. Luiz Otavio në minutën e 74-t realizoi golin e fitores 2-1 të ekipit brazilian.

Ndeshja e kthimit në finalen e Recopa Sudamericana do të luhet më 10 maj në Medelin të Kolumbisë.