Ndërrimi i stinëve për vajzat do të thotë një gardërobë e re. Meqë tashmë hymë në muajin e dytë të vjeshtës, ndaj nëse nuk dini se cilat janë veshjet më in të tetorit jua themi ne. Këtë herë nuk kemi marrë për shembull modele të huaja, kur idetë më të mira na i propozon moderatorja e njohur nga Shqipëria, Jona Spahiu.
E karakterizuar me një stil unik, veshjet e saj janë padyshim ndër më të bukurat. Ne kemi përzgjedhur 4 prej tyre, që janë perfekte për këtë stinë. Një veshje për çdo rast. Le të fillojmë:
Veshja e parë, sport për përditshmëri. Nëse nuk jeni tip shumë serioz, mund të kombinoni një pale xhinse me bel të lartë me një bluzë, atlete dhe një xhaketë sportive të shkurtër. Ngjyrat e ullirit janë më in në këtë sezonë. Veshja e duhur për shkollë.
Zgjedhja e dytë është për një stil më serioz. Por kombinuar me xhinse. Një xhaketë bardh e zi, me një rrip në mes. Veshje perfekte për zyrë.
Çfarë të veshim në party, që të jemi komode dhe stil? Një fund dhe një bluzë, që mund të kombinohet me taka apo atlete.
Jeni një tip serioz? Ja veshja e duhur. Ngjyrat e duhura, një këmishë e zezë me një palë pantallona kaf dhe taka të larta.
Idetë ua dhamë. Tani vendosni ju cila është zgjedhja më e mirë.
/dritare
