Çfarë mund të zbulojnë ëndrrat për gjendjen tuaj mendore?

Fjetja për shumë njerëz mund të jetë e vështirë, sidomos për njerëzit që vuajnë nga ankthi. Ekspertët shëndetësorë kanë treguar se ëndrrat mund të tregojnë nivelin tuaj të ankthit. Sipas tyre, më të zakonshmet janë ëndrrat emocionale intensive, imazhet e shpejta dhe ëndërrimi i ndonjë ish-partneri. Ëndrra të tjera të shpeshta përfshinin ndjekjen ose sulmin, ngrirjen nga frika ose aksidente të ndryshme, shkruan The Sun, transmeton Klankosova.tv. Sipas ekspertëve, personat që vuajnë nga ankthi kishin më pak gjasa të kishin ndërveprime pozitive me të tjerët që hasin në ëndrrat e tyre. Ndryshe, ekspertët kanë bërë të ditur se ekzistojnë një sërë llojesh të ndryshme të çrregullimeve të ankthit, nga ai përgjithësuar tek çrregullimi obsesiv-kompulsiv, fobitë specifike dhe çrregullimet e panikut. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.