Lajmet e fundit
Pasi presidenti amerikan Joe Biden, u tërhoq nga kandidatura për zgjedhjet presidenciale të ShBA-së, shumë liderë botërorë e mbështetën atë, duke e lavdëruar vendimin e tij.
Për dallim nga të tjerët, Kremlini tha se politika e Amerikës nuk është një prioritet për Moskën.
Më poshtë mund të lexoni përmbledhjen e deklaratave:
Zëdhënësi i Kremlinit, Dmitry Peskov
Peskov tha se Rusia "nuk ishte shumë e befasuar" nga tërheqja e Joe Biden nga gara presidenciale.
Ai tha gjithashtu se Kamala Harris deri më tani nuk kishte dhënë asnjë kontribut në marrëdhëniet ruso-ShBA dhe se politika e Amerikës nuk ishte një prioritet për Moskën, raporton Sky News, transmeton Klankosova.tv.
Presidenti ukrainas Volodymyr Zelensky
"Shumë vendime të forta janë marrë në vitet e fundit dhe ato do të mbahen mend si hapa të guximshëm të ndërmarrë nga presidenti Biden në përgjigje të kohërave sfiduese. Dhe ne respektojmë vendimin e sotëm të ashpër por të fortë. Ne do të jemi gjithmonë mirënjohës për udhëheqjen e presidentit Biden.
Kancelari gjerman Olaf Scholz
“Joe Biden ka arritur shumë: për vendin e tij, për Evropën, për botën”.
"Falë tij, bashkëpunimi transatlantik është i ngushtë, NATO është e fortë dhe ShBA-ja është një partner i mirë dhe i besueshëm për ne. Vendimi i tij për të mos kandiduar më meriton njohje".
Kryeministri izraelit Benjamin Netanyahu
“Në këtë kohë lufte dhe pasigurie është e rëndësishme që armiqtë e Izraelit ta dinë se Amerika dhe Izraeli qëndrojnë së bashku sot, nesër dhe gjithmonë”.
"Kam në plan të shoh presidentin Biden, të cilin e njoh për më shumë se 40 vjet. Kjo do të jetë një mundësi për ta falënderuar për gjërat që bëri për Izraelin në luftë dhe gjatë karrierës së tij të gjatë dhe të shquar në shërbimin publik, si senator, si nënkryetar dhe si president”.
Kryeministri i Zelandës së Re Christopher Luxon
"Presidenti Biden ia ka kushtuar jetën shërbimit publik, dhe kjo është diçka që meriton shumë respekt. Falënderoj presidentin për udhëheqjen e tij në ShBA dhe përkushtimin e tij ndaj Zelandës së Re. Dhe mezi pres të punoj me të për pjesën e mbetur të presidencës”.
Kryeministri kanadez Justin Trudeau
"Unë e njoh presidentin Biden prej vitesh. Ai është një njeri i shkëlqyer dhe gjithçka që bën udhëhiqet nga dashuria e tij për vendin e tij. Si president, ai është një partner i kanadezëve - dhe një mik i vërtetë. Për presidentin Biden dhe zonjën e Parë : faleminderit."
Kryeministri polak Donald Tusk
"Zotëri president Joe Biden, shumë herë keni marrë vendime të vështira që e kanë bërë Poloninë, Amerikën dhe botën më të sigurt, dhe demokracinë dhe lirinë më të forta. Unë e di që jeni udhëhequr nga të njëjtat parime kur shpallët vendimin tuaj të fundit. Ndoshta më e vështirë në jetën tënde”.
Kryeministri australian Anthony Albanese
“Presidenti Biden ka qenë një mik i madh i Australisë dhe kjo do të vazhdojë”.
Kryeministri japonez Fumio Kishida
"Unë e pranoj se presidenti Biden e mori vendimin nga pikëpamja e asaj që ishte më e mira politikisht. Eshtë e panevojshme të thuhet se aleanca Japoni-ShBA është shtylla e diplomacisë dhe sigurisë së Japonisë, kështu që ne do të shikojmë nga afër zhvillimet e ardhshme".
