Çështja e presidentit, Shabani: Nuk kemi parë vullnet nga kjo qeverisje për të dalur nga kriza (VIDEO)

Anita Shabani e ftuar në emisionin "Kosova Today" në Klan Kosova ka komentuar çështjen e zgjedhjes së presidentit të ri të vendit. Shabani tha se pavarësisht se kishte shpresa për të evituar zgjedhjet nga takimet mes LVV dhe LDK, ishte e ditur që vendi do të shkonte drejt zgjedhjeve, raporton KlanKosova.tv. "Jemi në një përfundim të njëjtë, edhe atëherë edhe tash dihej se po shkojmë drejt zgjedhjeve të reja. Nuk kemi parë nga kjo qeverisje vullnet për të dalur nga kjo krizë për të zgjedhur president konsensual, por kemi parë konsistencë për zgjedhjen e presidentit nga partia më e madhe. Ne kemi shpresuar që në këto takimet e fundit do të ketë ndonjë zgjidhje, por kjo vetëm e ka zgjatur kohën e diskutimeve", tha fillimisht ajo. Sipas saj, Kurti është përgatitur paraprakisht pasi e dinte që Kosova po shkonte drejt zgjedhjeve të reja. "E dimë që Albin Kurti e ka ditur paraprakisht që do të ketë zgjedhje, kjo sepse edhe kur është zgjedh dhe është formuar Qeveria ka thënë që jemi duke shkuar drejt një krize të re të zgjedhjes së presidentit. Pra, as atëherë e as tash nuk ka pasur disponim për zgjedhjen e presidentit.Ideja ka qenë të bëhemi gati për zgjedhje dhe kush do të dalë më keq në këto zgjedhje. Ai e shtroi rrugën i takoi LDK-në në takim, epilogu i saj është ditë, është ditë që do t'i ofrojë disa poste që mund t'i shkarkonte", shtoi Shabani. https://www.youtube.com/watch?v=H0GIwdNu-yc