Çeku i uron suksese artistit Jakup Ferri në përfaqësimin e Kosovës në Bienalen e Venecias

Ministri i Kulturës, Hajrullah Çeku, ka pritur në zyrën e tij artistin Jakup Ferri, i cili do të përfaqësoj Kosovën në Bienalen e Venecias 2022, njofton Klankosova.tv. "The Monumentality of the Everyday” titullohet projekti i artistit bashkëkohor Jakup Ferri që për kuratore ka gjermanen Inke Arns. Komisionere e Pavijonit të Kosovës në edicionin e 59-të të Bienales së Artit në Venecia 2022 është Alisa Gojani Berisha. Jakup Ferri është përzgjedhur në mesin e 12 artistëve që aplikuan në thirrjen publike të Ministrisë së Kulturës. “Përgëzime për Jakupin, mbarësi në këtë detyrë të rëndësishme. Republika jonë sërish do të pushtojë majat e artit botëror”, ka shkruar Çeku në një postim në Facebook.